Gjithë forma e kthesa, modelja e re duket se e ka magjepsur sulmuesin e “Mançester Junajted”, Wayne Rooney. Sipas disa burimeve të besuara futbollisti lë kokën pas saj dhe tashmë martesa e tij rrezikon të prishet. Keeley Hazell, e pagëzuar si “Pamela Anderson - e re”, kësaj here ka tërhequr seriozisht vëmendjen e Rooney, duke shkuar madje, edhe bashkë me të. Por Rooney është shumë afër martesës me të fejuarën e tij Coleen McLoughlin. Lajmi i “ecejakeve” të futbollistit me modelen seksi sigurisht që është si një rrufe në qiell të pastër për të fejuarën e tij, pasi edhe në të kaluarën ajo ka vuajtur jo pak.
Rreth një vit e gjysmë më parë, një prostitutë botoi një libër ku rrëfente mbi marrëdhënien e saj me futbollistin e Mançesterit, takimet dhe gjithçka tjetër rreth “lidhjes” së tyre. Të gjitha këto e kishin kompromentuar rëndë lidhjen mes Rooneyt dhe të fejuarës së tij, por ai diti që me kalimin e kohës ta bindë të fejuarën për dashurinë dhe besnikërinë që kishte kundrejt saj.
Natyrisht që Coleen McLoughlin nuk ka për ta kaluar lehtë këtë “bombë” që papritur i vjen tani nëpërmjet revistave të thashethemeve, për më tepër, kur flitet për konkurrencë të tipit “superseksi” si Keeley Hazell.
No comments:
Post a Comment