Në një deklaratë të lëshuar dje në Mynih kandidati republikan për president, John McCain, shprehet hapur si për zgjerimin e NATO-s, si edhe për pavarësinë e Kosovës. “Ka ardhur koha që ta nxjerrim Ballkanin dhe Kosovën së bashku me të nga e kaluara e `90, në drejtim të shekullit të 21, duke e njohur pavarësinë e saj”, - shkruan senatori amerikan, McCain në një deklaratë të lëshuar dje me rastin e Konferencës së Mynihut.
McCain është një nga mysafirët e rregullt të kësaj konference, por këtë radhë nuk erdhi për shkak të garës presidenciale në SHBA. Në deklaratën e tij McCain u shpreh edhe për zgjerimin e NATO-s. “Samiti i Bukureshtit ofron një mundësi të mirë për të ankoruar demokracinë dhe qëndrueshmërinë në vendet fqinje, duke pranuar në Aleancën tonë Shqipërinë, Kroacinë dhe Maqedoninë.” Presidenti Tadiç nuk e pranoji atë që e cilësoi shpërbërjen e vendit të tij. Por eventualisht ai tha se ai nuk pranonte izolimin e Serbisë nga BE. I vetmi kurs i arsyeshëm, këmbënguli ai, është rifillimi i bisedimeve. Diplomatët perëndimorë këtu në Mynih thonë se muajt e gjatë të bisedimeve nuk kanë sjellë asnjë rezultat. Të vetëdijshëm për pozicionin e Rusisë, nuk ekziston ndonjë kohë e mirë për Kosovën që të shpallë pavarësinë. Xhonatan Markus i BBC raporton se një burim i brendshëm i tha se një gjë e tillë mundet shumë mirë të ndodhë herët sesa vonë.
No comments:
Post a Comment